Karsten Thomsen, 1879
1. Og hør min pigh, og si do mæ,
vil do int vær min kjærrest?
Si do kuns frit, hvad tøkkes dæ,
vil do int vær min nærrest?
For do er ung og køn og net,
o æ gi lidt dæ, og det vår jet,
hvorfor æ gjærn vild' ha dæ !
2. Do est vel int a stoer staend
og int a hy forælder,
men do er føj t i Danmarks Laend,
det ser æ så møjs heller!
For danske piger di er tro,
det holder æ aw, og det vår to,
hvorfor æ gjærn vild' ha dæ!
3. Ja, do kan bag' og byg' og to,
og do kan sans og syssel,
og do kan vøww og spind' og sno
dæ i en dans som en kyssel,
og do kan syng og snak og le,
det holder æ aw, og det vår tre,
hvorfor æ gjærn vild' ha dæ!
--