Først en halv time på den ene side, så en halv time på den anden

Melodi: Niels Hausgaard Tekst: Niels Hausgaard

A ser ve buerre tång å træt,
a hår fåt min øen æt.
No vil a hen på divanesern'en tuvr.
Maj sku vær i doven slåg,
å nærmest inti hielt raiti klåeg,
om maj intj ku leeg sæ nier å ta i luvr.
Føest en hael tiem på dæj jæen sij
så en hael tiem på dæj naen,
å så på røegen, en tiem te halaen.

A ska laev det er noe a lier,
lisse steel a leej mæ nier,
å sit j på kvåen får postelint te sij,
å det var intj spøegværk hves,
maj sku blyv befængt mæ stre,
nej, maj må tenk sæ om å passe på i tijn.
Føest en hael tiem ...

Hår maj æt så maj er ve å røvn,
djør æ godt mæ i møjjessøvn.
Det må sajjes å vær i gue gammel skeet,
men som månner sikkert væ,
er æ intj noe maj javver te,
a hår etterhøjen fojen i gue teknik.
Føest en hael tiem ...

Mø å åltj det medicin folk de går å tåer hiele tijn,
ku de spåe såfremt de båe forstu
at så læeng de hviller skånkeren,
ka de leej å sammel tånkeren.
Å så helst Øvver majje låe sæ nier å tu.
Føest en hael tiem ...


Dette var sangen, der efter mange uger på dansktoppen gjorde Niels Hausgaard landskendt. Hans jyske lune, samfundsrevsende tekster, varme beskrivelser af den nære dagligdag sammen med hans charmerende vendelbomål har gjort ham til en af de betydeligste folkesangere herhjemme.